SAMSUNG – lig en skadu

My Samsung-kamera, my Samsung-app, my Samsung- skootrekenaar … noem maar op. Samsung is alomteenwoordig.  ‘n Ondernemende maatskappy wat met sy skeppende energie op die voorgrond is. Maar het jy geweet? Agter Samsung se vooruitgang  en uitnemende innoverings rys  ‘n agtergrond van lig en skadu.

Samsung-klient en sy kamera

Samsung-kliënt en sy kamera

Die Samsung-maatskappy het in die laat dertigerjare van die vorige eeu  tot stand gekom in ‘n Korea wat onherkenbaar  verskil het van wat dit vandag is. ‘n Korea  waaroor die skadu van Japan swaar geval het.

Korea is al in 1905 as ‘n protektoraat van Japan verklaar. In 1910 het  die Japanese Korea, wat eeue lank as die Hermietryk bekend gestaan het, geannekseer.  Die eerste tien jaar het Japan  ‘n militêre bewind gevoer en enige teken van opstand onderdruk.  Die Koreaanse weerstandbeweging, sterk beïnvloed deur die ideologie van kommunisme wat besig was om veld te wen,  was verplig om die stryd ondergronds voort te sit.

Maar terug na Samsung: dié maatskappy is toentertyd met Koreaanse geld en ondernemingsgees gestig en deur die Japanese ondersteun.  Die Koreane wat by hierdie onderneming betrokke was, was nie gewild onder hulle medeburgers nie. Trouens, hulle is deur die weerstandbeweging as handlangers van die kolonialiste beskou, verraaiers, kapitaliste wat tot ‘n val gebring moes word. Soos hier bo gesê: die lede van die Koreaanse weerstandbeweging was begeester deur Mao Tse Toeng en sy opmars na mag en oorheersing, en die klaarblyklike sukses van Stalinistiese Rusland.

'n Propagandaskildery - die nuwe wéreld ikoon

Die nuwe wêreld-ikoon – ‘n propagandaskildery

Die Japanese besetting van Korea het van 1910 tot 1945 geduur. Gedurende die Tweede Wêreldoorlog het die Koreaanse weerstand teen die Japanese feller geraak, bowenal  nadat duisende Koreaanse vroue gedwing is om “troosvroue” vir Japanese soldate te wees. Dit kon eenvoudig nie geduld word nie.

In 1945 kon die Koreane die Japanese juk afskud. In Augustus, van daardie jaar het die atoombomme wat die VSA op Hirosjima en Nagasaki losgelaat het, Japan op sy knieë gedwing en ‘n onvoorwaardelike oorgawe bewerkstellig. Sodoende is die Japanese kolonialiste uit die Koreaanse skiereiland verdryf.

Die Koreaanse burgeroorlog - 'n montage

Die Koreaanse burgeroorlog – ‘n montage

 

Die verdeelde land

Die verdeelde land

Ofskoon die Japanese uit Korea padgegee het, was Korea ‘n verdeelde land. Mao Tse Toeng se sege in China in 1949 het stukrag aan die kommunistiese weerstandbeweging se saak gegee.

Met militêre steun van China en Rusland, het   die kommuniste in die noorde van Korea die suide in 1950 aangeval. Die Koreaanse burgeroorlog was bloedig, met ‘n lewensverlies van  1,200000 mense binne die bestek van drie jaar (1950 – 1953).  (Vergelyk die oorlog in Irak se syfers: 500,000 vanaf 2003 tot 2011.)

Vier en twintig nasies, insluitende Suid-Afrika, het die Suid-Koreane bygestaan. Die kommuniste wat die hele skiereiland oorheers het, behalwe die kusstad Pusan in die suide, is teruggestoot.  Die Amerikaners sou ‘n deurslaggewende rol in die oorlog speel.  Hulle het in 1953 ‘n skietstilstand tussen die Noorde en die Suide bewerkstellig, maar ‘n formele vredesverdrag is nooit onderteken nie. Tot vandag toe is die Noorde en Suide van Korea teenoor mekaar opgestel.

Oorlogdenkmaal, Ichon, Wes-Seoel: die name, die name ...

Oorlogdenkmaal, Ichon, Wes-Seoel: die name, die name …

Te midde van al die konflik in Korea, het Samsung  in die suide oorleef.  In die Weste weet ons dit maar te goed.  Min van ons het nog nie met ‘n puik Samsung-produk te doene gehad nie. Samsung kraai koning en die Japanese weet dit bowenal.  Samsung stel hulle in die skadu en dit ruik  na vergelding. ‘n Ironiese stand van sake.  Samsung, die grootste maatskappy in Suid-Korea, is een van die hoofredes waarom die land so ongelooflik suksesvol is.  In 2010 was Suid-Korea die dertiende rykste nasie in die wêreld.

Samsung-dorp, Seoel

Samsung-dorp, Seoel

Die Chinese en die Russe het intussen hulle eie vorms van  Samsung tot stand gebring. Hulle het lankal uit Noord-Korea padgegee – ‘n sinistere land wat die status van die Hermietryk herwin het, ‘n soort Middeleeuse slawerny, en die mees geslote samelewing ter wêreld.

Hoe lank voor die genesing?

Hoe lank voor die genesing?

Interessant dat die yskas of mikrogolfoond in jou kombuis, jou selfoon of app, algemene voorwerpe van ons verligte beskawing, sy oorsprong gehad het in ‘n land met ‘n agtergrond van dramatiese lig en skadu.

© Willem van der Walt

http://www.loertoer.wordpress.com

Les Semboules, Frankryk

Desember, 2016

Bronne:

Andrew C. Nahm:  Tradition and Transformation. A History of the Korean People.

Wikipedia:  History of the Korean civil war (1950 – 1953)  

Statistiek oor lewensverlies in Irak-oorlog: PLOS Medicine Survey, deur Wikipedia aangehaal.  Let wel: die syfers is dalk aanbvegbaar.

Beelde

Samsung-kliënt en sy kamera  −  Willem

Oorlogdenkmaal, Ichon, Seoel – Willem

Mao Tse Toeng  –  bron verloor

Kaart –  ae.americananthro.org

Samsung-Dorp, Seoel – Seoulsessions.wordpress.com

“Dangerous Border” – earthnutshell.com

 

Met dank aan Mike Oberholzer

 

Advertisements

Tagged: , , ,

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: