Lewenslus in Beweging

Is Nelson Mandela die mens oor wie daar al die meeste geskryf is? Miskien nie want hy ding mee met groot name: Jesus, Adolf Hitler, Muhammad Ali en ‘n rits ander. Maar een ding is seker: hy is onteenseglik  die gewildste staatsman op hierdie planeet.

Ek het ‘n buitengewone herinnering aan Mandela. Laat in die  sewentigerjare toe Mandela se vryheid slegs struggle-graffiti op die mure van die townships was, het die destydse regering internasionale joernaliste op Robben-eiland toegelaat.  Foto’s van Mandela se sel is internasionaal gepubliseer.  ‘n Foto van die foto’s wat hy op sy selmuur geplak het, het my getref. ‘n Kleurfoto van ‘n jong swart vrou wat kaal en lewenslustig op ‘n strand hardloop.  ‘n Mooi beeld vir ‘n man in ‘n tronk, het ek gedink.

Mandela se sel 1979

Mandela se sel 1979

‘n Jaar of twee later het ek weer op die foto afgekom. In ‘n  National Geographic in ‘n dokter se wagkamer. Dit was manjifiek – ‘n vergestalting van onweerstaanbare vreugde en vryheid!  Ek bieg dat ek die tydskrif vasgelê het en vandag nog het.

Die beskrywing van die vrou het só in National Geographic gelui:  Lewenslus in Beweging, ‘n Jarawa-vrou se dans van ontploffende genot, wat ‘n paar uur geduur het… En die skrywer Singh se indruk:  Ek het nog nooit mense so gelukkig gesien nie…

Lewenslus in beweging – die Jarawa-vrou

Lewenslus in beweging – die Jarawa-vrou

Die artikel het gegaan oor die Andaman-eilande, naby die ooskus van Indië, waar die mense ‘n sterk Afrikaan-indruk maak.   Dit sou ook vir Mandela betekenisvol gewees het.  Die redes vir daardie foto, naby ‘n treffende een van Winnie, is beduidend. Dit was ‘n fragment waarmee hy sy ruïnes gebolwerk het.

April, 2013

http://www.loertoer.wordpress.com

Bronne:

Die foto van die sel is óf uit die Cape Argus óf die Cape Times.  Die foto het nie ‘n datum op nie, maar ek skat dit is 1979.

Die National Geographic-foto “Exuberance in motion” is deur Raghubir Singh wat ook die artikel geskryf het {National Geographic “The Last Andaman Islanders”, Vol. 148, Nr. 1, Julie 1975.} 

Advertisements

Tagged: , , , ,

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: